Мақсаты: Ұлттық аспабымыз – домбыра арқылы жас ұрпаққа қазақ халқының рухани мұрасын дәріптеу, өнерге, әсемдікке, отансүйгіштікке тәрбиелеу. Үйірменің пайдасы: • Оқушылардың музыкалық қабілетін дамытады; • Есту, ырғақ, есте сақтау қабілеттерін жетілдіреді; • Шығармашылық ойлау мен сахна мәдениетін қалыптастырады; • Қазақтың дәстүрлі өнеріне деген қызығушылықты арттырады; • Ұжыммен жұмыс істеу, жауапкершілік және табандылық қасиеттерін дамытады. Үйірмеде не үйретіледі: • Домбыра тарту негіздері мен шертпе, төкпе күйлерді орындау; • Ноталық сауат және музыкалық ырғақ; • Қазақ күйшілерінің өмірі мен шығармашылығымен танысу; • Сахнада өзін-өзі ұстау, ансамбльмен ойнау дағдылары. Қатысушылар: 8 жастан бастап өнерге қызығатын балалар мен жасөспірімдер. Нәтиже: Үйірме қатысушылары түрлі концерттер мен байқауларға қатысып, ұлттық мәдениетті насихаттауға үлес қосады.
