Мақсаты: «Вокал» үйірмесі – ән айту өнеріне баулу арқылы оқушылардың музыкалық қабілетін дамыту, сахна мәдениетін қалыптастыру және эстетикалық талғамын арттыруды көздейді. Үйірме қатысушылары өз дауысын дұрыс қоюды, тыныс алу мен ән айту техникасын меңгереді. Үйірменің пайдасы: • Дауыс диапазонын кеңейтіп, дұрыс тыныс алу мен дыбыс шығаруды үйретеді; • Музыкалық есту, ырғақ және есте сақтау қабілеттерін дамытады; • Өзін-өзі еркін ұстауға, сенімділік пен сахна мәдениетіне тәрбиелейді; • Ұжыммен жұмыс істеу дағдыларын қалыптастырады; • Эмоциялық және шығармашылық дамуға ықпал етеді. Үйірмеде не үйретіледі: • Вокалдық жаттығулар мен ән айту техникасы; • Қазақ және шетелдік композиторлардың әндерін орындау; • Сахналық образ, дикция және артикуляция негіздері; • Топтық және жеке орындаушылық қабілеттерді дамыту. Қатысушылар: 8 жастан бастап ән айтуға, музыкаға қызығатын балалар мен жасөспірімдер. Нәтиже: Үйірме тәрбиеленушілері түрлі концерттер мен байқауларға қатысып, вокалдық өнер арқылы өз таланттарын шыңдайды және шығармашылық ортада өзін еркін көрсете алады.
